ಪಾಂಗೊಂಗ್ ತ್ಸೊ ಸರೋವರ, ಲಡಾಖ್ - ಯಾಕಿಷ್ಟು ಸುದ್ದಿಯಲ್ಲಿದೆ? | Janata news

ಲಡಾಖ್ : ಪಾಂಗೊಂಗ್ ತ್ಸೊ ಸರೋವರ, ಲಡಾಖ್ - ಭಾರತದ ಕೇಂದ್ರಾಡಳಿತ ಪ್ರದೇಶದ ಹಿಮಾಲಯದ ತಪ್ಪಲಿನಲ್ಲಿ 14,270 ಅಡಿ ಎತ್ತರದಲ್ಲಿರುವ ಮನಸ್ಸನ್ನು ಮೋಡಿಮಾಡುವ ಸರೋವರವಾಗಿದೆ. ಪೂರ್ವ ಲಡಾಖ್‌ನ ಭಾರತ-ಚೀನಾ ಗಡಿನಾಡಿನಲ್ಲಿರುವ ಪಾಂಗೊಂಗ್ ತ್ಸೋ ಸರೋವರವು ಹೆಚ್ಚಾಗಿ ಸುದ್ದಿಯಲ್ಲಿದೆ.

ಇದು ಸರಿಸುಮಾರು 134 ಕಿ.ಮೀ ಉದ್ದ ಮತ್ತು 5 ಕಿ.ಮೀ ಅಗಲವಾಗಿದ್ದು ಟಿಬೆಟ್‌ ನ ಒಳಗೂ ವಿಸ್ತರವಾಗಿ ಹಬ್ಬಿದೆ. ಎತ್ತರದ ಪರ್ವತ ಶಿಖರಗಳಲ್ಲಿ ನೆಲೆಗೊಂಡಿರುವ ಈ ನೀರಿನಲ್ಲಿರುವ ಹಿಮಾಲಯನ್ ಶಿಖರಗಳ ಅತ್ಯುನ್ನತ ಪ್ರತಿಫಲನಗಳು ಇನ್ನಷ್ಟು ಸೌಂದರ್ಯವನ್ನುಂಟುಮಾಡುತ್ತದೆ.

ಪಾಂಗೊಂಗ್ ಎಂಬುದು ಭಾರತೀಯ ಹೆಸರು ಹಾಗೂ ತ್ಸೊ ಟಿಬೆಟಿ ಹೆಸರು. ಲಡಾಖಿ ಭಾಷೆಯಲ್ಲಿ, ಪಾಂಗೊಂಗ್ ಎಂದರೆ ವ್ಯಾಪಕವಾದ ಸಾಂದ್ರತೆ, ಮತ್ತು ತ್ಸೊ ಎಂಬುದು ಟಿಬೆಟಿಯನ್‌ನ ಸರೋವರ. ಹಾಗಾಗಿ, ಎರಡು ದೇಶಗಳ ಭೂ ಭಾಗಗಳಲ್ಲಿರುವ ಕಾರಣ ಎರಡೂ ಪದಗಳನ್ನು ಸೇರಿಸಿ ಪಾಂಗೊಂಗ್ ತ್ಸೊ ಸರೋವರದ ಎಂದು ಕರೆಯಲ್ಪುಡುತ್ತದೆ.

ದಿನವಿಡೀ ಸರೋವರದಲ್ಲಿ ಕಂಡುಬರುವ ಬದಲಾವಣೆಗಳು ಅಸಂಖ್ಯಾತ ಬಣ್ಣಗಳಿಗೆ ಸಾಕ್ಷಿಯಾಗುವುದು, ಈ ಸರೋವರದ ಉತ್ತಮ ಆಕರ್ಷಣಿಯ ಭಾಗವಾಗಿದೆ. ಈ ಸರೋವರದ ನೀರು ನೀಲಿ ಬಣ್ಣದಿಂದ ಹಸಿರು ಬಣ್ಣಕ್ಕೆ ಹಾಗೆ ಹಸಿರು ಬಣ್ಣದಿಂದ ಕೆಂಪು ಬಣ್ಣಕ್ಕೆ ಹೀಗೆ ಕ್ಷಣಕ್ಕೊಂದು ಬಣ್ಣಗಳನ್ನು ಬದಲಾಯಿಸಬಹುದು. ಚಳಿಗಾಲದಲ್ಲಿ ಸರೋವರವು ಲವಣಯುಕ್ತ ನೀರಿನ ಹೊರತಾಗಿಯೂ ಸಂಪೂರ್ಣವಾಗಿ ಹೆಪ್ಪುಗಟ್ಟುತ್ತದೆ.

ಅದರ ದಂಡೆಯಲ್ಲಿ ಕಳೆದ ಆಗಸ್ಟ್ 19, 2017 ರಂದು, ಅತ್ಯಂತ ಪ್ರಸಿದ್ಧವಾಗಿ ಡೋಕ್ಲಾಮ್ ನಿಲುಗಡೆ ಸಮಯದಲ್ಲಿ, ಭಾರತೀಯ ಮತ್ತು ಚೀನಾದ ಸೈನಿಕರ ನಡುವಿನ ಜಗಳದ ವೈರಲ್ ಆಗಿದ್ದ ವೀಡಿಯೊದಲ್ಲಿ - ಒದೆಯುವುದು ಮತ್ತು ಹೊಡೆಯುವುದು, ಕಲ್ಲುಗಳನ್ನು ಎಸೆಯುವುದು ಮತ್ತು ಕೋಲುಗಳು ಮತ್ತು ಉಕ್ಕಿನ ಕಡ್ಡಿಗಳ ಬಳಕೆ ಸೇರಿದಂತೆ, ಯೋಧರ ತೀವ್ರವಾದ ಗಾಯಗಳಿಗೆ ಕಾರಣವಾಗಿತ್ತು.

ಇದು 1962ರ ಇಂಡೋ-ಸಿನೋ ಯುದ್ಧದಲ್ಲಿ ತೆಗೆಯಲಾದ ಚಿತ್ರ ಎನ್ನಲಾಗಿದೆ. ಏಷ್ಯಾದ ಎರಡು ಪ್ರಮುಖ ಶಕ್ತಿಗಳ ನಡುವಿನ ಪಂಗೊಂಗ್ ತ್ಸೋ ಸರೋವರದ ಪ್ರಸ್ತುತ ತಿಕ್ಕಾಟದ ಪ್ರದೇಶವನ್ನು ಅಂದು ಕಾವಲು ಮಾಡುವ ಭಾರತೀಯ ಸೈನಿಕರು.