ಕ್ಯಾಪ್ಸಿಕಮ್ ತುಂಬುಗಾಯಿ ಮಾಡುವ ವಿಧಾನ | Janata news

ಶಿರಸಿ : ಬೇಕಾಗುವ ಸಾಮಗ್ರಿಗಳು:
3 -ಕ್ಯಾಪ್ಸಿಕಮ್
5tsp- ಕಡ್ಲೆಬೇಳೆ
2 tsp- ಉದ್ದಿನಬೇಳೆ
6-8 -ಬ್ಯಾಡಗಿ ಮೆಣಸು(ಕಾರಕ್ಕೆ ತಕ್ಕಂತೆ)
1tsp -ಕೊತ್ತಂಬರಿ ಬೀಜ
1/2tsp- ಜೀರಿಗೆ
1tsp- ಬಿಳಿಎಳ್ಳು
1/2 tsp- ಸಾಸಿವೆ
ಚಿಟಿಕೆ ಇಂಗು
1/2 tsp- ಅರಿಶಿನ ಪುಡಿ
ಎಣ್ಣೆ
1 ಮದ್ಯಮಗಾತ್ರದ ಈರುಳ್ಳಿ
ಉಪ್ಪು ರುಚಿಗೆ ತಕ್ಕಷ್ಟು
1/2sp -ಸಕ್ಕರೆ
ಸ್ವಲ್ಪ ಹುಳಿಪುಡಿ
ಕಾಯಿತುರಿ -1 1/2 cup

ಮಾಡುವ ವಿಧಾನ:

* ಮೊದಲು ಬಾಣಲೆಗೆ ಸ್ವಲ್ಪ ಎಣ್ಣೆ ಹಾಕಿ ಮಸಾಲೆ ಸಾಮಗ್ರಿಗಳನ್ನೆಲ್ಲಾ ಚೆನ್ನಾಗಿ ಹುರಿದಿಟ್ಟುಕೊಳ್ಳಿ.

* ಕಾಯಿತುರಿಯೊಂದಿಗೆ ಹುರಿದ ಸಾಮಗ್ರಿ+ ಉಪ್ಪು+ ಸಕ್ಕರೆ +ಹುಳಿಪುಡಿ +ಈರುಳ್ಳಿ ಎಲ್ಲವನ್ನೂ ಹಾಕಿ ನೀರನ್ನು ಹಾಕದೆ ರುಬ್ಬಿಕೊಳ್ಳಿ.

* ಈಗ ಕ್ಯಾಪ್ಸಿಕಮ್ ತೆಗೆದುಕೊಂಡು ಅದರ ಮೇಲಿನ ಬಾಗವನ್ನು ಚಾಕುವನ್ನು ಬಳಸಿ ಮುಚ್ಚಳದಂತೆ ಕತ್ತರಿಸಿ ತೆಗದಿಟ್ಟುಕೊಳ್ಳಿ.

* ರುಬ್ಬಿಕೊಂಡ ಮಿಶ್ರಣವನ್ನು ಕ್ಯಾಪ್ಸಿಕಮ್ ಒಳಗೆ ತುಂಬಿ ಮುಚ್ಚಳದಂತೆ ಕತ್ತರಿಸಿಟ್ಟ ಭಾಗವನ್ನು ಮುಚ್ಚಿ ಬಾಣಲೆಯಲ್ಲಿಟ್ಟು ಮೇಲಿನಿಂದ ಸ್ವಲ್ಪ ಎಣ್ಣೆ ಹಾಕಿ ಸಣ್ಣ ಉರಿಯಲ್ಲಿ ಕ್ಯಾಪ್ಸಿಕಮ್ ಬಾಡುವವರೆಗೆ ಬೇಯಿಸಿ.

ಈಗ ರುಚಿಕರವಾದ ಕ್ಯಾಪ್ಸಿಕಮ್ ತುಂಬುಗಾಯಿ ಚಪಾತಿ ಅಥವಾ ಅನ್ನದ ಜೊತೆ ಸವಿಯಲು ಸಿದ್ದವಾಯಿತು.😋